Elordada kópqabatty turǵyn úıden órt shyqty
16:34, 29 Sáýir 2024
<p>ASTANA. KAZINFORM – Órt saldarynan zardap shekkender joq. Bul týraly Astana qalasynyń Tótenshe jaǵdaılar departamentiniń baspasóz qyzmeti habarlaıdy.</p>
«29 sáýirde saǵat 14:45-te elordalyq órt sóndirýshiler Sh.Qudaıberdiuly 32 mekenjaıyna bardy. Anyqtalǵandaı 3-i qabattaǵy páterdiń balkonynda 10 sharshy metrdi quraıtyn úı zattaryn ot shalǵan. Órt saǵat 15:15-te sóndirildi», - delingen habarlamada.
Aqparatta aıtylǵandaı, qaza tapqandar men zardap shekkender joq.
«Qazir órttiń sebebi anyqtalýda. Tilsiz jaýmen kúreske 3 birlik tehnıka men Astana qalasy TJD jeke quramynyń 13 adamy jumyldyryldy», - deıdi departamentten.