Elordada kontrafaktilik taýar aınalymy máselesine arnalǵan forým ótti

NUR-SULTAN. QazAqparat - Nur-Sultan qalasynda «Antıkontrafakt» IX halyqaralyq forýmy ótti, dep habarlaıdy QazAqparat tilshisi.

«Antıkontrafakt» halyqaralyq forýmynda ıntellektýaldy menshik pen zańsyz taýar aınalymyna qarsy is-qımyl máseleleri talqylandy. Qazaqstan bul forýmdy ekinshi ret ótkizip otyr. Oǵan ǵalymdar, avtorlar, kásipkerler, quqyq ıeleri jáne ıntellektýaldy menshikti paıdalanýshylar qatysty. Kontrafaktiniń úkimetke de, bızneske de, qoǵamǵa da tıgizetin saldary bárimizge belgili. Zańsyz taýar aınalymy onyń sapasy men qaýipsizdigine jáne odan túsetin salyqtyń kólemine keri áserin tıgizedi. Sondaı-aq, kontrafaktilik ónim aınalymy adal básekelestiktiń jolyn kesip otyr», - dedi «Kazpatent» dırektory Erbol Ospanov OKQ-de ótken baspasóz máslıhatynda.

Uıymdastyrýshylardyń málimetinshe, atalǵan forým elordada úsh kúni boıy ótken. Jáne oǵan EAEO-ǵa múshe elder qatysty.

Buǵan deıin habarlaǵanymyzdaı, Qazaqstanǵa 30 mlrd-tan astam teńgeniń kontrafaktilik ónimi ákelingen.

Sondaı-aq, E. Ospanov elimizde kontrafaktilik ónim salasynda 77 mln teńgege zań buzýshylyq anyqtalǵanyn aıtty.