Elordada komendant saǵaty kezinde jolaýshylardy qarsy alýǵa jáne shyǵaryp salýǵa ruqsat etildi

NUR-SULTAN. QazAqparat - Komendant saǵaty kezinde elordada áýejaı men temirjol vokzaldarynan jolaýshylardy qarsy alýǵa jáne shyǵaryp salýǵa ruqsat beriledi, dep habarlaıdy QazAqparat qala ákimdigine silteme jasap.

Talap etiletini - bıletti (sýreti) jáne jeke basty kýálandyratyn qujattardy mindetti túrde ózimen birge alyp júrý kerek.

«Bul sharalar jolaýshylarǵa yńǵaıly bolý úshin qabyldandy. Sondaı-aq, komendanttyq saǵat kezinde jolaýshylardy jetkizý maqsatynda qala ákimdiginiń Kólik jáne jol-kólik ınfraqurylymyn damytý basqarmasy men CTS JShS «Nursultan Nazarbaev halyqaralyq áýejaıy» – «Nurly jol vokzaly» qatynasyndaǵy marshrýttyq avtobýstardy arnaıy iske qosty, olar 21:00-den tańǵy 06:00-ge deıin qatynaıdy», delingen komendatýra habarlamasynda.

Komendatýra qalada komendant saǵaty 23:00-den tańǵy 07:00-ge deıin ekenin eske saldy. Qala turǵyndaryna syrtqa shyǵýǵa tyıym salynady. Elordany quqyq qorǵaý organdary táýlik boıy kúzetedi.

Qosymsha aqparat alý úshin azamattar komendatýranyń jedel shtabynyń 71 60 20 nómiri ne nemese « IKomek109 « qyzmetine habarlasý qajet.