Elordada «Qolymdaǵy kitap» aktsııasy bastaldy

NUR-SULTAN. QazAqparat - Nur-Sultan qalasy boıynsha «Rýhanı jańǵyrý» jobalyq keńsesi bastaǵan aktsııaǵa Nur Otan partııasy, L.N. Gýmılev atyndaǵy Eýrazııa ulttyq ýnıversıtetiniń oqytýshylary men blogerler qoldaý kórsetýde, dep habarlaıdy QazAqparat elorda ákimdiginiń resmı saıtyna silteme jasap.

«Rýhanı jańǵyrý» jobalyq keńsesi karantın ýaqytynda «Qolymdaǵy kitap» aktsııasyn bastady. Áleýmettik jeli qoldanýshylary arasynda kitap oqý mádenıeti nasıhattalatyn bolady. Qatysýshylar karantın ýaqytynda ózderi oqyp jatqan kitapty tanystyrady. Sondaı-aq ózderiniń súıikti avtorlarymen, shyǵarmalarymen bólisedi.

Aktsııa barysynda kitapqumar bloger jáne qoǵam qaıratkerlerimen tikeleı efırler, onlaın suhbattar uıymdastyrylady.

Onlaın is-sharanyń tusaýkeseri bloger Aınur Bulaqbaımen ótkizildi. Tikeleı efır barysynda ol kitap oqýdy qalaı ádetke aınaldyrý, jyldam oqý tehnıkasynyń qupııalarymen bólisti. Efır barysynda kórermender óz suraqtaryna jaýap aldy.