Elordada qoǵamdyq kólikti sýbsıdııalaý ne sebepti ósti

ASTANA. QazAqparat – Astana qalasy Kólik jáne jol-kólik ınfraqurylymyn damytý basqarmasy basshysy orynbasarynyń mindetin atqarýshy Baýyrjan Taıbergenov elordada qoǵamdyq kólikti sýbsıdııalaýǵa qansha qarajat bólingenin aıtty, dep habarlaıdy QazAqparat tilshisi.

«2021 jyly 17,8 mlrd teńge, 2022 jyly 21,4 mlrd teńge, al 2023 jyly 23 mlrd teńge bólindi. Jyl sońyna deıin qalǵan 16 mlrd teńgesi ıgeriledi», - dep naqtylady B. Taıbergenov Astana qalasy máslıhaty turaqty komıssııasynyń otyrysynda.

Onyń aıtýynsha, janar-jaǵarmaı men qosalqy bólshekterdiń qymbattaýyna, júrgizýshilerdiń eńbekaqy qorynyń ósýine, sondaı-aq jańa avtobýstardy satyp alýǵa qatysty sýbsıdııa somasy artty.

«Qazir qala turǵyndary ikomek, áleýmettik jeliler men veb-saıttar arqyly ózderiniń aryz-shaǵymdary men usynystaryn aıtyp jatyr. Sonymen qatar turǵyndarmen kezdesýler barysynda saladaǵy basty problemalar jarııalanyp otyr. Bul turǵyda jyljymaly quramnyń tapshylyǵy, jolaýshylar kóliginiń ýaqytynda kelmeýine qatysty shaǵymdar bar», - dedi B. Taıbergenov.

Budan buryn habarlanǵandaı, Astana turǵyndarynyń 48 paıyzǵa jýyǵy qoǵamdyq kólikpen júredi.