Elordada qoǵamdyq kólikter júıesi boıynsha jańa tarıfter kúshine enedi

NUR-SULTAN. QazAqparat – «City Transportation Systems» («Astana LRT») kompanııasynyń basshysy Bekmyrza Igenberdınov Nur-Sultandaǵy qoǵamdyq kólikter júıesi boıynsha jańa tarıfter kúshine enetinin málim etti, dep habarlaıdy QazAqparat tilshisi.

«2020 jylǵy 28 naýryzdan bastap 18 jasqa deıingi balalar ataýly kólik kartasy bolǵan jaǵdaıda qoǵamdyq kólikte tegin jol júre alady. (Kartany «Astana LRT» mamandandyrylǵan kassasynan alýǵa bolady). Barlyq kámeletke tolmaǵan oqýshylarǵa, mártebesine qaramastan jol júrý tegin bolady», - dedi ol elordada ótken kompanııanyń kórme-konferentsııasynda.

Sonymen qatar sol kúni jańa jol júrý tarıfteri, atap aıtqanda 1, 3, 5, 15 kúndik tarıfter, «Qala+ekspress», «Qala+ekspress+qala mańy» jáne basqa tarıfter kúshine enedi. Qoǵamdyq kólikti paıdalanýshylar úshin qoldanystaǵy aılyq jol júrýler de qoljetimdi bolyp qala bermek.

Kompanııa basshysynyń aıtýynsha, bul rette jol júrý qunyn ósirý týraly áńgime qozǵalyp otyrǵan joq.

Osylaısha, kólik kartasyn paıdalanýshylar úshin kelesi tarıfterde qoljetimdi:

Qoldanystaǵy:

Qolma-qol jáne qolma-qol aqshasyz jol júrý tólemi (kólik kartalary, SMS/QR) - 180 jáne 90 teńge;

«Aılyq jol júrý. Qala» - 7500 teńge;

«Aılyq jol júrý. Qala+qala mańy» - 9500 teńge;

Jańa tarıfter:

«Aılyq jol júrý. «Qala+ekspress» quny - 10 myń teńge. Bul qalalyq jáne ekspress baǵdarlarda sheksiz saparlarǵa quqyq beredi.

«Aılyq jol júrý. «Qala + ekspress+qala mańy» - 13 myń teńge.

«3 aılyq jol júrý» - 20 myń teńgeden;

1 kúndik jol júrý aqysy 500 teńgeden;

3 kúndik jol júrý aqysy 1 500 teńgeden;

5 kúndik jol júrý aqysy 2 myń teńgeden (4+1);

15 kúndik jol júrý aqysy 4 myń teńgeden (8+7).