Elordada QHA-nyń «Beıbitshilik pen kelisim mádenıeti» atty ІІ halyqaralyq medıa forým óz jumysyn bastady
Forým maqsaty - qazaqstandyq birtektilik pen birlikti nyǵaıtý men damytý otandyq BAQ-tyń básekege arttyrý máselelerin talqylaý, N.Nazarbaevtyń qoǵamdyq kelisim men jalpyulttyq birlik qazaqstandyq modelin nasıhattap taratý.
Forým aıasynda BAQ-ty, blog salasyn damytýdyń ózekti máseleleri boıynsha otandyq jáne sheteldik spıkerlerdiń sheberlik sabaqtary olatyn úsh paneldik sessııa, etnomádenı birlestikter BAQ-tarynyń kórmesi men «QHA» jyly atty foto kórme ótýde.
Al kúnniń ekinshi jartysynda «QHA 20 jyl - Bir el - bir taǵdyr» jınaǵynyń tanystyrymy ótedi. Odan keıin forýmnyń jalpy sessııasy óz jumysyn bastaıdy. Іs-sharaǵa QR Parlamentiniń depýtattary, memlekettik organdardyń resmı tulǵalary, respýblıkalyq jáne óńirlik BAQ pen etnomádenı birlestikterdiń ókilderi, Qytaı, Reseı, BAÁ, Túrkııa, Qyrǵyzstan, Ázerbaıjan, Latvııadan kelgen sarapshylar, Qazaqstanda tirkelgen sheteldik jýrnalıster qatysady.
Forým jumysy ınteraktıvti talqylaý túrinde ótetin «Qoǵamdyq kelisim men jalpyulttyq birlikti nyǵaıtýdaǵy mass-medıa róli» taqyrybyndaǵy brıfıngke jalǵasady.
Alqaly jıyn sońynda QHA-nyń etnojýrnalıstka salasynda jyl saıyn ótkizetin «Shańyraq» shyǵarmashylyq baıqaýynyń qorytyndysy saltanatty túrde jarııalanady dep kútilýde.