Elordada keden isin jetildirý máseleleri boıynsha konsýltatıvtik keńestiń 5-shi májilisi ótti
Jıyn barysynda Kedendik baqylaý komıtetiniń tóraǵasy Májıt Esenbaev Keden odaǵy men Biryńǵaı ekonomıkalyq keńistik jáne elimizdiń keden organdaryn damytý jospary týraly keńinen baıandady.
Onyń atap ótýinshe, Keden komıteti Keden odaǵynyń shekarasy arqyly avtokólik quraldaryn tasymaldaý rásimin jetildirý maqsatynda sheteldik avtokólikterdiń QR aýmaǵy arqyly tasymaldanýyna ruqsat berý máselesin qarastyrý týraly usynys bildirgen. Atalǵan sharalar osy qyzmettiń paraqorlyǵyn azaıtady jáne belgilengen jerge deıin taýarlardyń jetkizilý qunyn 10 esege arzandatýǵa múmkindik beredi.
Sonymen qatar komıtet tóraǵasynyń sózine qaraǵanda, aǵymdaǵy jyly «Eksport» rásimin elektrondy túrde deklaratsııalaý qarastyrylsa, al 2013 jyly kedendik rásimderdiń 17 túri boıynsha elektrondy deklaratsııalaý qarastyrylýda.