Elordada «Qazenerdjı» qaýymdastyǵynyń Bilim jáne kadrlardy daıyndaý máseleleri jónindegi úılestirý keńesiniń kezekti otyrysy ótti
Otyrys barysynda Qazaqstandy ınnovatsııalyq damytý máselesi talqyǵa salyndy. «Qazenerdjı» qaýymdastyǵynyń Bilim jáne kadrlardy daıyndaý máseleleri jónindegi úılestirý keńesiniń teń tóraǵasy Asan Nuǵmanovtyń aıtýynsha, elimizde kadr máselesi áli kúnge ózekti kúıinde alyp otyr. «Onyń ústine bizde qazir kimdi, qalaı jáne nege oqytý kerek degen másele tóńiregindegi málimetter jetkilikti emes. Sondyqtan bizge qazir eńbek naryǵyndaǵy jaǵdaıdy jiti zertteýdiń mańyzy zor. Bizge qazir elimizge qandaı mamandyq, onyń qanshama kerektigi jaıly naqty málimet daıyndaý qajet. Sonymen qatar sýbmerdigerlermen jumysty jetildirgen jón. Óıtkeni qandaı da bir mamandyqqa degen suranys máselesin osy merdigerlermen sheshken durys»,- dedi tóraǵa.
Otyrys barysynda «Samuryq-Qazyna» korporatıvtik ýnıversıtetiniń dırektory Janar Baıjumanova energetıka sektoryndaǵy qazaqstandyq kóshbasshylardy damytýǵa baǵyttalǵan baǵdarlamamen tanystyrdy.