Elordada Qazaqstanǵa kelý erejesin buzǵan 675 sheteldik anyqtaldy
Nur-Sultan qalalyq polıtsııa departamentiniń málimetinshe, is-sharanyń maqsaty – elordanyń kósheleri men qoǵamdyq oryndarynda tıisti quqyqtyq tártipti qamtamasyz etý, zańsyz kóshi-qonnyń aldyn alý jáne jolyn kesý.
«Jedel aldyn alý is-sharasynyń eki kúni ishinde elordalyq garnızon sheteldik azamattardyń kelý erejesin buzýynyń 675 faktisi anyqtaldy. Ákimshilik jaýapkershilikke 471 sheteldik tartyldy. Shaqyrylǵan sheteldikterdiń bekitilgen erejeni, sonymen qatar sheteldik jumys kúshin tartý erejesin buzǵany úshin 180 azamat jáne sheteldikterdiń eńbek qyzmetin zańsyz júzege asyrlǵany úshin Qazaqstan Respýblıkasynyń 24 azamaty jaýapqa tartylyp otyr. Sonymen qatar izdeýde júrgen 5 qylmysker, onyń ishinde Qazaqstan Respýblıkasynyń 4 jáne sheteldik 1 azamat ustaldy»,- dep atap ótedi vedomstvodan.