Elordada «Qazaqstandyq qamtý-2011» forýmy ótedi

ASTANA. 17 mamyr. QazAqparat / - 2011 jyldyń 26-27 mamyr kúnderi Astana qalasynda «Qazaqstandyq qamtý-2011» qazaqstandyq qamtý máseleleri boıynsha forým men kórme ótedi.

Ekinshi ret ótkeli otyrǵan sharaǵa Qazaqstan Respýblıkasy Premer-Mınıstri, sondaı-aq, birqatar mınıstrlikter men memlekettik organdardyń basshylary, iri jer qoınaýyn paıdalanýshy kompanııalar, «Samuryq-Qazyna» UÁQ», ulttyq kompanııalar men holdıngter, júıequrýshy kásiporyndar, salalyq jáne kásipkerlik qaýymdastyqtar qatysady dep kútilýde. «Sonymen qatar, Forým jumysyna jergilikti qamtýdy damytýda baı tájirıbesi bar Nıgerııa, Brazılııa, Malaızııa, Ońtústik Koreıa, Norvegııa jáne Anglııa sekildi elderdiń sheteldik delegatsııalary qatysady dep josparlanyp otyr. Kórmede taýarlardyń qazaqstandyq óndirýshi kompanııalaryna jáne shaǵyn orta bıznes ókilderine arnalǵan 120 stendiler ornalastyrý kózdelýde. «Qazaqstandyq qamtý-2011» kórmesine qatysýshylar men kelýshilerdiń erekshe qyzyǵýshylyǵyn ozyq jańa tehnologııalardy qoldana otyryp, ishki naryqta da, syrtqy naryqta da suranysqa ıe biregeı ónim shyǵaratyn ınnovatsııalyq kásiporyndar týǵyzady», - delingen baspasóz aıǵaǵynda.

Sharany QR Indýstrııa jáne jańa tehnologııalar mınıstrligi men QR «Jergilikti qamtýdy damytýdyń Ulttyq agenttigi «NADLoC» AQ uıymdastyrady.