Elordada Qazaqstan UOK jáne ISSA ókilderi kezdesti

<p><strong>ASTANA. KAZINFORM - ISSA&nbsp;</strong><strong>(Islamic Solidarity Sports Association &ndash; Islam yntymaqtastyǵy sporttyq qaýymdastyǵy)&nbsp;</strong><strong>delegatsııasy V Dúnıejúzilik kóshpendiler oıyndaryna arnaıy kelgen.&nbsp;&nbsp;</strong></p>

QR UOK shtab-páterinde ótken kezdesýge ISSA Bas hatshysy Naser Madjalı myrza men Qazaqstan UOK tarapynan UOK Prezıdentiniń Keńesshisi Álimjan Aqaev qatysty.

Basqosýda talqylanǵan negizgi taqyryptardyń biri – 2025 jyldyń qarashasynda Saýd Arabııasynyń Er-Rııad qalasynda ótetin Islam yntymaqtastyǵy oıyndaryn uıymdastyrý. 

Qazirgi tańda sporttyq saıystyń baǵdarlamasy jasaqtalyp jatyr, aldyn ala málimet boıynsha jarys sporttyń 20 túrinen ótedi. 

Sondaı-aq kezdesý barysynda ISSF qyzmetiniń jańa strategııasy talqylandy. Mundaǵy basymdyq sporttyq baǵdarlamadan basqa ıslamdyq oıyndar mádenıeti men bilim berýdi damytýǵa jáne barlyq qatysýshy arasynda jańa baılanys qurýǵa berilgen.