Elordada Qazaqstan men Majarstan arasynda birneshe qujatqa qol qoıyldy

NUR-SULTAN. QazAqparat – Búgin elordada QR Premer-Mınıstriniń orynbasary – Syrtqy ister mınıstri Muhtar Tileýberdi men Majarstan Syrtqy ekonomıkalyq baılanystar jáne syrtqy ister mınıstri Peter Sııarto kelissózder ótkizdi, dep habarlaıdy QazAqparat tilshisi.

Kelissózder qorytyndysy boıynsha úsh qujatqa qol qoıyldy.

Atap aıtqanda, QR Syrtqy ister mınıstrligi janyndaǵy Syrtqy saıası zertteýler ınstıtýty men Majarstannyń Syrtqy ekonomıkalyq balanystar jáne syrtqy ister ınstıtýty arasyndaǵy ózara túsinistik týraly memorandým bekitildi.

Sonymen qatar Damýǵa resmı kómek salasyndaǵy yntymaqtastyq boıynsha eki eldiń syrtqy saıası vedomstvolary arasyndaǵy ózara túsinistik týraly memorandýmǵa qol qoıyldy.

Munymen qosa, QR Mádenıet jáne sport mınıstrligi men Majarstannyń Adamı resýrstar mınıstrligi arasyndaǵy 2021-2023 jyldarǵa arnalǵan mádenıet salasyndaǵy ózara yntymaqtastyq baǵdarlamasyna da qol qoıyldy.