Elordada qazaq kúresinen «Dala qyrandary» týrnıri jeńimpazdary anyqtaldy

<p>ASTANA. KAZINFORM &mdash; Elordada qazaq kúresinen &laquo;Dala qyrandary&raquo; týrnıri máresine jetti.</p>

Jaqsylyq Úshkempirov atyndaǵy jekpe-jek saraıynda jalaýyn kótergen týrnırde 8 salmaq boıynsha júldeler sarapqa salyndy.

Atalǵan týrnırge qatysatyn balýandar elimizdiń basty reıtıngtik jarystarynda irikteldi.

Olardyń arasynan eń joǵary upaı jınap iriktelgen 64 balýan boz kilemge shyqty. 

Jarysqa qazaqstandyq belgili balýandar qatysty. Olardyń qatarynda álem chempıonaty jáne ózge de halyqaralyq jarystarda jeńimpaz atanǵan Bekjan Tólepov, Jumajan Qojambekov, Ersultan Muzapparov, Altynbek Aýsaǵıtov, Nurdáýlet Jarylǵapov jáne Erasyl Qajybaev bar.

Atalǵan týrnır jeńimpazdary tómendegishe:

55 keli: Rýslan Temirjan (Qyzylorda oblysy)
60 keli: Nurlyhan Muhanbetov (Aqtóbe oblysy)
66 keli: Erjan Erenqaıypov (Astana qalasy)
74 keli: Bıbarys Turǵanbekuly (Aqtóbe oblysy)
82 keli: Nurdaýlet Baqtybaıuly (Shymkent qalasy)
90 keli: Erasyl Jańataev (Almaty oblysy)
100 keli: Ersultan Muzapparov (Shymkent qalasy)
100 keliden joǵary: Qaısar Shamshıdınov (Túrkistan oblysy).

Osyǵan deıin Astanada qazaq kúresinen «Dala qyrandary» týrnıri bastalǵanyn jazǵan edik.