Elordada «Qaıyrymdylyq kerýeni» respýblıkalyq forýmy ótti
«Qazaqstan halqy Assambleıasy uıymdastyratyn mańyzdy is-sharalardyń biri – «Qaıyrymdylyq kerýeni» aktsııasy. Qınalǵanǵa qol ushyn sozý, ózara janashyrlyq pen berekeli yntymaq bizdi birtutas halyq retinde uıystyratyn qundylyq. Dana halqymyzdyń mádenıetinde jaqyndaryna meıirimdilik tanytý burynnan qalyptasqan. Qaıyrymdylyq bul basqalardyń muqtajdyǵyn júrek arqyly seziný jáne qolda barmen bólisý qabileti. El basyna kún týǵan qıly zamandarda da halqymyzdy ult retinde saqtap qalǵan qundylyq tonnyń ishki baýyndaı yntymaǵy men bir-birine qaıyrymdylyǵy», - dedi Qazaqstan halqy Assambleıasy tóraǵasynyń orynbasary, hatshylyq meńgerýshisi Marat Ázilhanov saltanatty sharanyń ashylý saltanatynda.
Forým barysynda jyl qorytyndysy boıynsha qaıyrymdylyq salasyna úles qosqan jáne erekshe qajettilikteri bar daryndy balalarǵa qoldaý kórsetken jandar assambleıa atynan «Jomart jan» tósbelgisimen marapattaldy.
Sondaı-aq atalǵan is-shara aıasynda «Inklıýzıvti bilim berý – erekshe balalardy ómirge beıimdeýdiń basty quraly» taqyrybynda dóńgelek ústel ótti.