Elordada qatty jel: táýlik ishinde 100-den asa jol apaty boldy

<p>ASTANA. KAZINFORM &ndash; Astana qalasynyń Polıtsııa departamenti aýa raıynyń nasharlaýyna baılanysty azamattardy jolda muqııat bolýǵa shaqyrady.</p>

«Ótken táýlikte elordada 110 jol-kólik oqıǵasy tirkeldi. Júrgizýshilerden óte muqııat bolýdy, belgilengen jyldamdyq rejımin qatań saqtaýdy jáne avtomobılder arasyndaǵy qaýipsiz qashyqtyqty saqtaýdy, sondaı-aq jaıaý júrginshiler ótetin jerde jyldamdyqty aldyn ala tómendetýdi suraımyz», - delingen habarlamada. 

Sondaı-aq, tártip saqshylary jaıaý júrginshilerdi de abaı bolýǵa shaqyryp otyr. 

«Joldan ótken kezde kólikterdiń toqtaǵanyn kútińiz. Jol qozǵalysy qaǵıdalaryn saqtaý, ómirińizdi saqtaýdyń kepili», - deıdi Polıtsııa departamentinen. 

Buǵan deıin qatty jelden elordaǵa qandaı zalal kelip jatqanyn jazǵan edik. 

Qolaısyz aýa raıynan qalanyń birneshe aýdany jaryqsyz qaldy. 

Sondaı-aq, búgin Astanada birinshi aýysymda 0-7 synyp oqýshylary onlaın formatta oqydy, sonymen qatar ekinshi aýysymnyń 0-9 synyp oqýshylary úıden bilim aldy.