Elordada «Kásipker ana» áleýmettik jobasynyń mentorlary marapattaldy
«Kásipker ana» áleýmettik jobasy óz-ózin aqtady: jaqsy pikirler aıtylyp jatyr. Bul jobanyń basshysyna alǵys aıtamyz. Bul joba kópbalaly, jalǵyzbasty, erekshe kútimdi qajet etetin balatárbıelep otyrǵan analarǵa arnalǵan. Bul jobaǵa qatysýǵa bastapqyda 300 ótinish kelip tússe, búgingi tańda 100-ge jýyq adam oqyp shyqty. Qazir bir mamandyqty meńgerip, ómir boıy sol salada júre beretin zaman emes «, - dedi Nur-Sultan qalasy ákiminiń orynbasary Máken Baqtııar marapttaý rásiminde.
Atalǵan joba 2019 jyldyń qyrkúıek aıynan elordada bastalǵan.
»Mentor - áleýmettik jobamyzdy qoldap, joǵaryda atap ótken áıelderge erikti túrde kómektesip, ózderi meńgergen isti, úıde otyryp tabys tabýǵa úıretken adamdar. Búgin mentorlyq jumysyn aıaqtaǵan 20 mentorǵa Alǵys hat beremiz. Birinshi kezeńde 67 áıel osy mentorlardan bilim aldy«, - deıdi Jas kásipkerler keńesiniń tóraıymy jáne osy jobanyń negizin qalaýshy Aınur Ámirhan.
Onyń aıtýynsha, jobanyń barlyq kezeńinde bıznes trenerler, kásipkerler, sarapshylar, sheberler jumyldyrylýda. Bul – manıkıýr, pedıkıýr, shashtaraz, meıkap, shýgarıng, massajǵa úıretetin sán ındýstrııasy, aspaz, kondıterlik baǵytta oqytatyn taǵam ındýstrııasy; grafıkalyq dızaın, kopıraıtıng, SMM menedjmenti salasyndaǵy IT ındýstrııa baǵytyndaǵy mamandyqtar.
»Bizdiń mektep SMM salasynda jumys isteýdi úıretedi. Men osy joba arqyly 13 áıeldi oqyttym. Olar úı tapsyrmasyn oryndap, áleýmettik jeli arqyly qoldan jasalǵan taǵamdaryn satyp jatyr. Olar negizi bul aqyly túrde ótetin dáris ekenin, olarǵa tegin oqýǵa múmkindik berilgenin jaqsy túsinip, aıtqanyńdy tez qabyldaıdy «, - deıdi kásipker Mádına Ahmetova.