Elordada «Qasıetti qazaq eli» halyqaralyq óner festıvali ótti
Shetelde turatyn otandastardyń qatysýymen ótken óner festıvali qazaq mádenıetiniń rýhanı jáne materıaldyq biregeıligine súıene otyryp, daryndy jastardy anyqtaýǵa, olardy Qazaqstanǵa tartý arqyly odan ári ilgeriletýge baǵyttalǵan. Festıval folklorlyq ónerdiń biregeı janrlaryn, mýzykalyq jáne qoldanbaly ónerdiń biregeı úlgilerin saqtaýǵa, sondaı-aq shetelde turatyn otandastardyń shyǵarmashylyq jáne bilim berý áleýetin arttyrý maqsatynda ótkizildi.
«Elbasynyń saıasatynyń arqasynda 27 jylda 1 mln qazaq elge oraldy. Búgingi kúni taǵy da 1 mln qandasymyz elge oralamyz dep nıettenip otyr. Biraq, biz olarǵa tısti jaǵdaı jasaýymyz kerek. Ár kelgen otbasyny jumys pen baspanamen qamtamasyz etýmiz qajet. Sonyń tóńireginde 2 jobany bastadyq. Bireýi Nur-Sultan qalasynyń janynda, ekinshisi Saryaǵash aýdanynda. Amandyq bolsa ol úlken bastama bolady. Ary qaraı kelgen azamattarǵa tıisti jaǵdaıdyń bárin jasaımyz dep josparlap otyrmyz», - dedi Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov óziniń quttyqtaý sózinde.
Festıvalda 4 nomınatsııa boıynsha baıqaý uıymdastyrylyp, kelesi jeńimpazdar anyqtaldy:
Múshaıra nomınatsııasy boıynsha: birinshi oryn Qabylbek Qajykenuly -Qytaı, ekinshi oryn Qýanyshbek Іlııas - Qytaı, úshinshi oryn Janat Besikbaıtegi - Mońǵolııa. Gran prı júldegeri Mońǵolııadan kelgen Dana Isaǵulǵa buıyrdy.
Terme nomınatsııasy boıynsha: birinshi oryn Baýyrjan Ermekbaev - Ózbekstan, ekinshi oryn Aıdyngúl Bahytáli - Qytaı, úshinshi oryn Ashan Hadyrbek -Monǵolııaǵa
Halyqtyq-qoldanbaly óner nomınatsııasy boıynsha kelesi jeńimpazdar anyqtaldy: birinshi oryn Badıǵa Baǵdalqyzy - Qytaı, ekinshi oryn Alıbek Nıshanbaev - Ózbekstan, úshinshi oryn Mahsa Bekder - Iran.
Solo vokal (ulttyq ánder) nomınatsııasy boıynsha: birinshi oryn Qúljııan Qapysheva - Reseı, ekinshi oryn Farıda Qobıashqyzy - Qytaı, úshinshi oryn Zahan Nurmaǵanbet - Mońǵolııa.
Baıqaýǵa qatysýshylardy baǵalaǵan qazylar alqasy - Shalqar radıosynyń bas redaktory, «Daryn» syılyǵynyń laýreaty Qalqaman Sarın, tarıhshy, arheologııa zertteýshi Tatıana Krýpa, ánshi, kompozıtor, QR mádenıet qaıratkeri Dáýletkereı Rızabekuly, QR eńbek sińirgen qaıratkeri, «Daryn» syılyǵynyń laýreaty Aıgúl Qosanova.
Astanadaǵy Qazaq Ulttyq óner nıversıtetiniń rektory Aıman Musaqojaeva baıqaý jeńimpazdary Qazaq Ulttyq óner ýnıversıtetinde testileý nátıjesimen emtıhansyz memlekettik grant negizinde oqýǵa múmkindik alatyndyǵyn jetkizdi.
Atap óter jaıt,, «Sharyn» shatqalynyń ásem kórinisi janynda ornalasqan úlken sahnada festıval qatysýshylary eń úzdik mýzykalyq kompozıtsııalar oryndady. Saıabaq aýmaǵynda kıiz úıden turatyn etnoaýyl, kelýshilerdiń qolóner sheberleriniń jumys jasaý barysymen tanystyrsa, etno-ónimderdi satýǵa arnalǵan kórme-jármeńke shyǵys bazary oryn alady.
Festıval qatysýshylary men qonaqtarynyń qazaq halqynyń rýhanı mádenıeti men ulttyq qundylyqtaryn kórip sezinýge múmkindik aldy.