Elordada karantın talabyn buzǵan 12 mekemeniń qyzmeti toqtatyldy
Qala ákimdiginen málim etkendeı, jekelegen kásipkerler qoldanystaǵy qaýlyǵa qaramastan karantın talaptaryn áli de saqtamaı keledi. Oıyn-saýyq mekemelerinde koronavırýs indetin juqtyrý yqtımaldyǵy artyp otyr.
Zań buzýshylyqtar qatarynda buqaralyq is-sharalar ótkizý, jumys rejımin jáne kelýshilerdiń belgilengen sanyn saqtamaý, qyzmetine salynǵan tyıymdy elemeý, sondaı-aq qoǵamdyq mekemeler qyzmetkerleriniń maska rejımin buzýy jıi kezdesedi.
«Osylaısha, búgingi kúni sot 12 qoǵamdyq mekemeniń qyzmetin toqtatty jáne ákimshilik aıyppuldar saldy. Olary: «Janym sol» karaoke-bary, «Alanııa» túngi klýby (Manas kóshesi, 9/1), «Tequila» karaoke-bary, «Altyn» meıramhanasy, «Echo» laýndj-bary, «Storıs» laýndj-bary, «Raspawn» kompıýterlik klýby, «Kango» batýt parki, «Abba» laýndj-bary, «Ginza» karaoke-meıramhanasy, «Tabys» dúkeni», - delingen aqparatta.
Ákimdik habarlamasyna súıensek, kásipkerler óz qyzmetinde túrli aılalarǵa bara bastaǵan. Máselen, «ZOLOTO» meıramhanasynyń qyzmetin júzege asyratyn «Zoloto-Astana «JShS shekteý jáne karantın sharalaryn buzǵany úshin birneshe ret ákimshilik jaýapkershilikke tartylǵan bolatyn. «Zoloto-Astana» JShS ákimshiligi budan ári joǵary somada aıyppuldar salynbas úshin jeke tulǵa D.M. Temirbolatovamen (keıin meıramhana qyzmetkeri ekeni anyqtaldy) jaldaý shartyn jasasqan. Tıisti talaptardy oryndamaǵany úshin is materıaldary sotqa jiberilgen. Sot «ZOLOTO» meıramhanasynyń qyzmetin toqtatý týraly sheshim shyǵaryp, 100 AEK-ten astam (1 AEK – 2 917 teńge) ákimshilik aıyppul saldy.
«Sondaı-aq mobıldi top 27 qańtarda saǵat 23.05-te zańsyz jumys istegen «Panaehalı« atmosferalyq baryn anyqtady. Bul mekeme ákimshiligi de qýlyqqa barǵan. ıAǵnı mekemeniń kireberisi syrttan qaraǵanda jabyq turǵandaı bolǵan. Alaıda anyqtaı kele barǵa kirý úshin jurt mekemeniń ashanasy, sodan keıin zal arqyly kirgeni belgili boldy», - dep habarlady Polıtsııa departamentiniń baspasóz qyzmetinen.
Budan bólek, reıd barysynda monıtorıngilik top saǵat 00.44-te «Banzaı» kafesinde kelýshiler kóńil kóterip júrgenin anyqtaǵan.
Polıtseılerdiń aıtýynsha, karantın rejımin tek oıyn-saýyq mekemeleriniń ıeleri ǵana buzbaıdy. Túngi reıdter barysynda mobıldi top tyıym salynǵan ýaqytta jumys isteıtin loto-klýbtardy, kompıýterlik klýbtar men dúkenderdi áshkereledi.
Eske salsaq, elordanyń bas sanıtarlyq dárigeriniń qaýlysymen keshki saǵat 20.00-den keıin barlar men meıramhanalarda kóńil kóterýge qatań tyıym salynǵan. Tártip buzýshylarǵa aıyppul qarastyrylǵan. Bıznesmenderge 600 myń teńgeden astam, al qonaqtarǵa 87 myń teńge aıyppul belgilengen.