Elordada karantın rejımin buzǵany 7 mekeme jaýapkershilikke tartyldy

NUR-SULTAN. QazAqparat – Ótken táýlikte elordada karantın rejımin buzǵany úshin 7 mekeme ákimshilik jaýapkershilikke tartyldy, dep habarlaıdy QazAqparat qala ákimdiginiń resmı saıtyna silteme jasap.

Elordanyń monıtorıngtik toptary krantın talaptaryn buzǵan kásipkerlik nysandaryn kún saıyn anyqtaı otyryp, táýlik boıy kúsheıtilgen rejımde jumysyn jalǵastyrýda.

Esil aýdanynda «Chechil Pub» bary, «Alanya» karaoke-meıramhanasy, «The-DYM» laýndj-bary jumys rejımin buzdy. Sondaı-aq, sońǵysy kalıan shegý qyzmetin kórsetken.

Sonymen qatar, baqylaý toby esigin jaýyp jumys istegen «Inforno» meıramhanasyna kire almady.

Sondaı-aq belgilengen ýaqyttan keıin Almaty aýdanynda ornalasqan «Banıa na drovah» saýnasy men «Potolok» ınternet kafesi jumys istegen.

Saryarqa aýdanynda «Sport sıtı» fıtnes klýby men «Stambýl» kafesi de osyndaı buzýshylyqtarǵa jol berdi.

Karantın tártibin buzǵandarǵa qatysty jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.