Elordada karantın rejımin buzǵan 2,8 myń adam polıtsııa bólimine jetkizildi

NUR-SULTAN. QazAqparat - Elordada karantın rejımin buzǵan 135 adam ákimshilik qamaýǵa alyndy. Bul týraly búgin Ortalyq kommýnıkatsııalar qyzmetindegi onlaın-brıfıngte Nur-Sultan qalalyq Polıtsııa departamentiniń bastyǵy Erjan Sádenov aıtty, dep habarlaıdy QazAqparat tilshisi.

«Ókinishke oraı keıbir azamattar aıtylǵan eskertýlerge qulaq aspaı, karantın rejımin buzýda. Túrli quqyq buzýshylyq úshin polıtsııa bólimderine 2 838 adam jetkizildi. Onyń ishinde 1 770 adam ákimshilik jaýapkershilikke tartyldy. Qamaýǵa alynǵandar - 166, aıyppul salynǵandar - 1 126, eskertý alǵandar - 408 adam, al sot qaraýynda 70 materıal bar. Ákimdiktiń kommýnaldyq turaǵyna 588 avtokólik qoıyldy. 36 júrgizýshi mas kúıinde ustalyp, júrgizýshi quqyǵynan aıyryldy. 67 jaıaý júrginshige aıyppul salyndy, 135 adam ákimshilik qamaýǵa alyndy», - dedi departament basshysy.

Erjan Sádenovtiń dereginshe, blokposttardyń shekarasyn buzǵany úshin 174 adam jaýapqa tartyldy. Onyń ishinde 124 adam qamaýǵa alyndy.

«Karantın rejımin buzýshylardyń bárin birdeı ustaý bizdiń mindetimiz emes. Bizdiń qyzmetkerler azamattarǵa kúndelikti túsindirý jumystaryn júrgizedi. Karantın normasyn buzǵandarǵa ǵana shara qoldanamyz», - dedi ol.