Elordada qar tazalaýǵa 1700-den astam arnaıy tehnıka jumyldyryldy

<p>Qardyń mol jaýýyna baılanysty Astananyń kommýnaldyq qyzmetkerleri táýlik boıy kúsheıtilgen rejımde jumys istep, qala kósheleriniń qaryn tazartyp jatyr, dep habarlaıdy <a href="Kazinform." target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Kúndizgi aýysymda kóshelerdiń qaryn tazartýǵa 1 700-den astam arnaıy tehnıka men 2 500-ge jýyq jol jumysshy shyqty. 

Eń aldymen, erejege sáıkes, joldarda keptelis bolmas úshin qozǵalysy óte qarqyndy kóshelerdiń qary arshylady. Sondaı-aq qarqyndylyǵy ortasha ýchaskeler – alańdar, vokzal mańy aýmaǵy, trotýarlar, áleýmettik nysandarǵa kirme joldar jáne t.b. qardan tazartylady. 

Astanada 7-8 qańtar aralyǵynda 37 myń tekshe metrden astam qar shyǵaryldy, bul 2 802 júk reısin quraıdy. 

Qys mezgiliniń basynan bastap elordada 1 436 205 tekshe metr qar shyǵaryldy, bul 105 myńnan astam aýyr júk reısin quraıdy. 

«Qazgıdromet» RMK habarlaýynsha, Astanada 8 qańtar kúni qalyń qar jaýyp, keı ýaqytta boran soǵady. Ońtústik-batystan 9-14, ekpini 15-20 m/s jel soǵady. Aýa temperatýrasy túnde jáne kúndiz – 0-2 gradýs.