Elordada qar nelikten polıgonǵa shyǵarylmaı, qalanyń ortasyna jınalyp jatyr – ákimdiktiń jaýaby
Aıta ketsek, buǵan deıin Facebook-te Elena Nefedova atty qoldanýshy «Astana Moll» OSO-nyń artyndaǵy bos alańǵa qardyń jınalyp jatqanyn aıtyp, shaǵymdanǵan edi.
«Búgin keshke ondaǵan júk kóligi kelip, osy jerge qardy tógip jatyr. Kóktem kelgende munda sý tasqyny bolmaı ma!? Dál osy jerge «qaıyqtar júzgen» B.Momyshuly kóshesi tıip tur», - dep jazǵan edi ol.
Bul máseleniń jónin qalalyq ákimdikten surap kórdik. Jaýap tús aýa keldi.
«Almaty aýdany ákimi apparatynyń merdiger uıymdary qys bastalǵaly beri 890 myń tekshe metr qar shyǵardy. Atalmysh kórsetkish ótken jyldyń uqsas kezeńimen salystyrǵanda eki ese kóp. Máselen, byltyr qysta qaladan 514 356 tekshe metr qar shyǵarylǵan edi. Nur-Sultan qalasynda keıingi aptada boran uıytqyp toqtamaı, qar óte qalyń jaýdy. Osy sebepti elordada tótenshe jaǵdaı rejimi jarııalandy. Osyǵan baılanysty qardy polıgonǵa shyǵarý qıynǵa túsken bolatyn. Qardy tezirek shyǵarý úshin «Almaty» aýdanyndaǵy kóshelerdiń qaryn ýaqytsha «Astana Moll» OSO-nyń artyndaǵy bos orynǵa tóge turý týraly sheshim qabyldandy. Qala ishindegi kólik qozǵalysy qalpyna keltirilgennen keıin ol qar qala shetindegi polıgondarǵa shyǵarylady», - dep habarlady qalalyq ákimdikten.
Foto: Elena Nefedova/facebook.com