Elordada qar kúreýge 1,5 myńǵa jýyq arnaıy tehnıka jumyldyryldy

<p>ASTANA. KAZINFORM &ndash; Ótken túnde kommýnaldyq qyzmetter elordadan 28 myń tekshe metrden astam qar shyǵardy, dep habarlaıdy Astana ákimdiginiń resmı saıty.</p>

Elordanyń kommýnaldyq qyzmetteri táýlik boıy kúsheıtilgen rejımde jumys istep jatyr. 13 qarashadaǵy kúndizgi aýysymda qala kóshelerin qar men muzdan 2,6 myńǵa jýyq jol jumysshy men 1,5 myńǵa jýyq arnaıy tehnıka tazartady.

12 qarashadan 13-ine qaraǵan túnde Astanadan 28 myń tekshe metrden astam qar shyǵaryldy, bul 1,9 myńnan astam aýyr júk kólemin quraıdy.

Qys mezgiliniń basynan bastap qar polıgondaryna 154 myń tekshe metrden astam qar 12 189 reıspen shyǵaryldy.

Eń aldymen, ereje boıynsha joldarda keptelis bolmas úshin qozǵalysy óte qarqyndy kósheler tazartylady. Sondaı-aq ortasha qarqyndy ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. qardan tazartylady.

Eske sala keteıik, buǵan deıin Astanada tolassyz qar jaýǵanyn, kóshe tazalaýǵa 1300-den astam arnaıy tehnıka shyqqanyn jazǵan edik.