Elordada qansha úıge gaz tartylǵan

NUR-SULTAN. QazAqparat – 2024 jylǵa qaraı elorda turǵyndary kógildir otynmen 100 paıyz qamtamasyz etiledi. Bul týraly QR Ekologııa, geologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń tóraǵasy Zulfýhar Joldasov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhaty barysynda komıtet tóraǵasy 2024 jylǵa deıin Nur-Sultan qalasyn 100 paıyz gazdandyrý josparlanyp otyrǵandyǵyn atap ótti. Onyń dereginshe, qazirgi ýaqytta elordada 30 myń jeke turǵyn úıdiń 14 myńyna gaz qoljetimdi bolsa, shamamen 4 myń úıge gaz kelip tur. Qalany gazdandyrýdyń keshendi jospary da bekitilgen.

«Menińshe, jeke turǵyn úı sektoryn gazǵa kóshirýdegi aıtarlyqtaı problema sheshiletin bolady», - dedi ol.

Zulfýhar Joldasovtyń dereginshe, qaladaǵy eki jylý elektr stansasynyń sý jylytany qazandyqtary gazǵa kóshirilgen.bul shyǵaryndylardy jylyna 20 myń tonnaǵa azaıtýǵa múmkindik berdi. Sonymen qatar ol Almatynyń ekologııasyn jaqsartý úshin qaladaǵy jylý elektr stansasynyń 2025 jyldyń sońyna deıin gazǵa kóshirý josparlanyp otyrǵandyǵyn atap ótti. Stansa jańǵyrtylǵannan keıin shyǵaryndylar kólemi 37 myńnan 6 myńtonnaǵa deıin azaıady.