Elordada qansha azyq-túlik qory bar

NUR-SULTAN. QazAqparat - Qalada baǵany ustap turý úshin óz tıimdiligin dáleldegen birqatar shara qabyldanýda, dep habarlaıdy QazAqparat ákimdikke silteme jasap.

Atap aıtqanda, birinshi qajettilik taýarlaryn satyp alý úshin operatorlarǵa jáne saýda jelilerine jeńildikti qaryzdar berý boıynsha «Aınalym tetigi» jobasy iske asýda. «Aınalym tetigi» sheńberinde kásipkerlik sýbektilerimen kelisimsharttarǵa qol qoıyldy jáne kúrish, qaraqumyq jarmasy, kúnbaǵys maıy, kókónis (kartop, sábiz, pııaz, qyryqqabat), bakaleıa jáne sút ónimderi sııaqty baǵalardyń ósýi baıqalǵan birinshi qajettilik taýarlaryn tirkelgen baǵalar boıynsha satyp alý jáne satý úshin jeńildikti qaryzdar bólindi.

Ónimder Magnum Cash & Carry, Small, «Astyqjan», «KeńMart», «Vkýsmart», AQMOL saýda jelilerinde, «Shapaǵat», «Evrazııa», «Artem», «Bıg Shanhaı» bazarlarynda satylady. Sonymen qatar, qalada turaqtandyrý qory qalyptasqan. Úsh jyl ishinde qorǵa 12 myń tonna ónim satyp alyndy. Qorda 4 895,4 myń tonna azyq-túlik bar.

Elordanyń azyq-túlik beldeýi aımaǵyna Aqmola oblysynyń 17 aýdany jáne Qaraǵandy oblysynyń 4 aýdany kiredi.