Elordada kámelettik jasqa tolmaǵan 22 bala túngi klýbta júrgen

NUR-SULTAN. QazAqparat – Balalardyń baqylaýsyz qalýynyń aldyn alý úshin elordalyq polıtseıler túnde reıd júrgizip jatyr, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

«ıÝvenaldyq polıtsııa ýchaskelik ınspektorlary saǵat 22.40-ta «Tekıla» klýbynda júrgen 22 kámelet jasqa tolmaǵan jasóspirimdi anyqtap, polıtsııaǵa jetkizdi. Olar salynǵan tyıymǵa qaramastan klýbta dosynyń týǵan kúnin atap ótpek bolǵan», - dedi elordalyq polıtsııa departamentiniń baspasóz qyzmetinen.

Olardyń zańdy ókilderimen profılaktıkalyq áńgime júrgizilip, QR Ákimshilik kodeksiniń 442-baby boıynsha ákimshilik quqyq buzýshylyq týraly hattama toltyryldy.

Jasóspirimderdiń oıyn-saýyq oryndarynda júrgeni úshin olardyń ata-anasymen birge kóńil-kóterý oryndarynyń ıesi de jaýapqa tartylady. Ǵımarat ıesine qatysty materıal jınaqtalyp, ákimishilik jaýapqa tartý úshin ýákiletti organǵa jiberildi.

Nur-Sultan qalalyq polıtsııa departamenti ata-analarǵa saǵat 22:00-den keıin balalardyń baqylaýsyz syrtta júrgeni úshin jaýapqa tartylatynyn eskertedi.