Elordada «Qalamgerler alleıasy» ashylady

NUR-SULTAN. QazAqparat – Jańa alleıanyń ashylýy týraly búgin qalalyq máslıhattyń turaqty komıssııasynyń otyrysynda belgili boldy, dep habarlaıdy QazAqparat tilshisi.

«Elordanyń Saryarqa aýdanynda ornalasqan alleıany «Qalamgerler alleıasy» degen ataý berýdi usynamyz. Alleıa «Jastar» saraıynan Q. Qýanyshbaev atyndaǵy qazaq drama teatryna deıingi aýmaqty alyp jatyr. Bul bastamany Jazýshylar odaǵy men birqatar zııaly qaýym ókilderi qoldap otyr. Óıtkeni atalǵan oryn Abaı eskertkishine, Abaı dańǵylyna, S.Seıfýllın murajaıyna jaqyn ornalasqan. ıAǵnı, halyq eń jıi aralaıtyn oryndardyń biri», - dedi Nur-Sultan qalasy Tilderdi damytý jáne muraǵat isi basqarmasynyń basshysy Tileýǵalı Qyshqashbaev máslıhat otyrysynda.

Onyń málimdeýinshe, ústimizdegi jyldyń 24 shildesinde qalalyq onomastıka komıssııasynyń otyrysynda atalǵan bastama oń sheshimin tapty.

«Sondyqtan qalalyq máslıhat músheleri sizderden Nur-Sultan qalasynyń «Saryarqa» aýdanynda ornalasqan ataýsyz alleıaǵa «Qalamgerler alleıasy» ataýyn berý týraly usynysty qarastyryp, qoldaý bildirýlerińizdi suraımyz», - dedi ol.

Óz kezeginde qalalyq máslıhattyń turaqty komıssııa músheleri alleıaǵa «Qalamgerler» ataýyn berýdi biraýyzdan qoldady.