Elordada «Jastar Sinergiiasy» respýblıkalyq forýmy ótip jatyr
«Barlyq salada, ásirese tehnologııa salasynda belgili bir ózgeris bolmaǵan jaǵdaıda básekege qabiletti bola almaımyz. Bul jastar, ásirese sizderge qatysty. Sol sebepti memleket osyndaı forýmdar uıymdastyryp, baǵdarlamalar qabyldaıdy. Bul - bazalyq irgetas, qalǵany óz qoldaryńyzda. Qazaqstandyq jastar - eń talantty, qabiletti, bolashaǵy zor», - dedi Dáýren Abaev forýmnyń ashylý saltanatynda.
4 aı ishinde www.jastarsinergiiasy.kz bilim berý platformasynda 2000-ǵa jýyq adam veb dızaın, kıberqaýipsizdik, onlaın qyzmet kórsetý, smartcity, ınvestorlardy tartý jáne saıt qurastyrýǵa qatysty taqyryptarda dárister aldy. Odan keıin dáris alýshylar óz jobalaryn respýblıkanyń 17 aımaǵynda ІT-jobalar alleıasynda usyndy. Elimizdiń ár túkpirinen barlyǵy 350-den astam ІT-jobalar jınaldy.
Aıta ketsek, forým aıasynda bıyl mamyr aıynda bastaý alǵan jobanyń 60-tan astam fınalısi óz jumystaryn kórsetýde. Joba maqsaty – jastardy Qazaqstannyń aqparattyq tehnologııalar mamandyǵy boıynsha oqytý arqyly elimizdegi ІT baǵytyn damytý.