Elordada «Jas Samuryq» jastar sleti ótip jatyr
«Jalpy, «Samuryq-Qazyna» kompanııalar tobynda 90 myń jas maman bar. Onyń 84 myńy óndiriste jumys isteıdi. Qazir kompanııanyń árbir tobynda jas mamandardyń óte kóp ekendigin kórip tań qalyp turmyn ári qýantarlyq ta jaǵdaı. Sebebi sizder «Samuryq-Qazyna» kompanııalar tobynyń bolashaǵysyzdar», - dedi sharanyń ashylý rásiminde quttyqtaý sóz sóılegen «Samuryq-Qazyna» UÁQ» AQ tsırflandrý jáne transformatsııalaý jónindegi basqarýshy dırektory Dáýren Kereıbaev.
Sonymen qatar ol jastarǵa jumys isteı júrip, bilim alýǵa keńes berdi.
«Búgingi kúni «Samuryq-Qazyna» kompanııalar toby jas mamandardyń biliktiligin arttyrýǵa barynsha kúsh salyp otyr. Bizde «Jas Samuryq», «Tsıfrlyq jaz» syndy baǵdarlamalar bar. Munyń barlyǵy da jastarymyzdyń kásibı daǵdylaryn shyńdaýǵa baǵyttalǵan. Daryndy jas mamandardyń kásibı-mansap jolynda ózin-ózi damytýy úshin barlyq jaǵdaı jasaýǵa tyrysamyz», - dedi ol.
Shara barysynda QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev te sóz sóılep, jastarǵa izgi tilegin jetkizdi.
«Keıbireýlerińizben ótken jyly sporttyq sharalarda kezdesken de shyǵarmyz. Kelesi jyly da júzdesemiz degen úmitim bar. Óıtkeni, keler jyl «Volenterler jyly» dep jarııalanǵandyqtan jastarǵa arnalǵan kóptegen sharalar uıymdastyrylatyn bolady. Biz, sportshylar «Samuryq-Qazyna» kompanııalar tobynyń sportty damytýǵa, jastardy, ásirese múmkinshiligi shekteýli adamdardy qoldaýǵa qosqan úlesin joǵary baǵalaımyz», - dedi Serik Sápıev.
Jastar jyly aıasynda ótip jatqan sharaǵa «Samuryq-Qazyna» kompanııalar tobynyń Qazaqstannyń barlyq óńirinde eńbek etip júrgen 300-den astam jas mamany kelgen. Olar tulǵalyq damý men korporatıvtik volenterlik máselelerin talqyǵa salýda.