Elordada ınjenerlik jeliler tartpaı turǵyn úı salatyn kompanııalar qara tizimge enedi

ASTANA. QazAqparat – Elordada ınjenerlik jeliler tartpaı turǵyn úı salatyn kompanııalar qara tizimge enedi. Bul jaıynda Astana qalasynyń ákimdiginen málim etti, dep habarlaıdy QazAqparat tilshisi.

«Osy jyldyń qańtar aıynan bastap ınjenerlik jelilerdiń qatysýynsyz jáne bas josparmen kelisýsiz qurylysqa jańa ruqsattar berilmeıdi. Sonymen qatar, eger kez-kelgen qurylys kompanııasy osy sharttardyń tolyq jıyntyǵynsyz qurylysty jalǵastyra berse, qurylys alańdaryndaǵy jumystar tolyǵymen toqtatylyp, kompanııa qara tizimge enedi», - dedi ákimdik agenttiktiń resmı saýalyna bergen jaýabynda.

Buǵan deıin habarlaǵanymyzdaı elordada buzýdy talap etetin 206 úı, onyń ishinde 18 apatty jataqhana bar. Buzýǵa jatatyn Astana qalasynyń apatty úıleriniń tizbesi týraly aqparat ákimdiktiń resmı saıtynda jarııalanǵan.