Elimizdegi aýrýhanada ınsýltti dál anyqtaıtyn jasandy ıntellekt qoldanysqa engizildi

<p><strong>ALMATY. KAZINFORM - QR PІB Ortalyq klınıkalyq aýrýhanasynda ıshemııalyq jáne gemorragııalyq ınsýltke asa dál dıagnostıka jasaıtyn neıroradıologııa salasyndaǵy &laquo;Cerebra&raquo; jasandy ıntellekt qoldanysqa engizildi.</strong></p>

Medıtsınalyq jasandy ıntellekt boıynsha álemdegi eń ınnovatsııalyq on jobanyń qataryna jatatyn baǵdarlamany otandyq mamandar jasaǵanyn aıta keteıik.

Foto: QR PІB baspasóz qyzmeti

Dárigerlerge jańa baǵdarlamany «Cerebra» komandasy tanystyrdy. Qanatqaqty jobanyń medıtsınalyq dırektory Merýert Saıfýllaqyzy jasandy ıntellekt arqyly 5-10 mınýt ishinde ınsýlttiń bar-joǵyn anyqtap, mıdaǵy ózgeristerdi avtomatty túrde kórýge bolatynyn aıtty. Sonyń arqasynda nevrologııalyq derttiń asqynyp ketý qaýpi aıtarlyqtaı tómendemek. Bul tehnologııa tez arada dıagnoz qoıyp, emdeýdi múmkindiginshe erte bastap ketýge jol ashyp otyr.

– Bul joba 2018 jyly jasandy ıntellekt zerthanasynda qolǵa alyndy. Sodan beri 40-qa jýyq maman jumys istep, 100 myń derek negizinde ınsýltti tez ári dál anyqtaýǵa neırondyq jelilerdi úıretti. Baǵdarlama únemi jańa derektermen jańaryp otyrady. Biz elorda men Almatydaǵy mamandandyrylǵan ortalyqtarǵa ǵana emes, búkil eldegi aýrýhanalarǵa arnalǵan baǵdarlama ázirleýge mańyz berdik. Búgingi tańda Qazaqstan boıynsha 1000-nan astam patsıent osy baǵdarlama arqyly zertteýden ótti, - deıdi Merýert Saıfýllaqyzy.

Jańa tehnologııa arqyly zertteý kezinde túsirilgen keskinderdiń nátıjesi dárigerlerdiń smartfonyna ornatylǵan mobıldi qosymshaǵa kelip túsedi. Qoldanýǵa yńǵaıly qosymsha Qazaqstanda ǵana emes, sheteldik medıtsına mekemelerinde engizile bastaǵan.

– Ortalyq klınıkalyq aýrýhana otandyq medıtsınadaǵy betke ustar mekemelerdiń biri sanalady. Biz ozyq ınnovatsııalardy engizýge qashanda ázirmiz. Álemdegi eń úzdik startap jobalardyń biri retinde tanylǵan qazaqstandyq kompanııamen jumys isteý biz úshin úlken mártebe, - dedi aýrýhana vıtse-prezıdenti Janar Qusymjanova.