Elordada ınnovatsııalyq jobalardyń onlaın kórme-festıvali ótti
Bul týraly QR Aqparat jáne qoǵamdyq damý mınıstrliginiń resmı saıtynan málim boldy, dep habarlaıdy QazAqparat.
Kórme-festıval elimizde mektep jáne stýdenttik kásipkerlikti damytý maqsatynda ótkizilýdi. Іs-sharaǵa iskerlik qoǵamdastyqtyń ókilderi, mektep oqýshylary, kolledjder men ýnıversıtetterdiń stýdentteri, elimizge belgili sarapshylar men qoǵam qaıratkerleri shaqyryldy.
Kórmege Qazaqstan Respýblıkasy Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov, sondaı-aq «Rýhanı jańǵyrý» Qazaqstandyq qoǵamdy damytý ınstıtýty» KEAQ Basqarma tóraǵasy Danııar Esın, Forbes Kazakhstan baspageri Armanjan Baıtasov, «RAIMBEK» Holdınginiń dırektorlar keńesiniń tóraǵasy Raıymbek Batalov jáne basqalar qatysty.
Qazaqstandaǵy Enactus halyqaralyq baǵdarlamasy BUU-nyń turaqty damýynyń 17 maqsatyna súıene otyryp, álemdegi 56 joǵary oqý orny men 72 000-nan astam stýdentti biriktiredi. Halyqaralyq tájirıbe kórsetkendeı, osy baǵdarlama sheńberindegi stýdentterdiń jobalyq qyzmeti ýnıversıtettik bilimge keremet qosymsha bolyp tabylady. Enactus aıasynda komandalar júzege asyratyn jobalardyń negizgi baǵyttary - kásipkerlik, áleýmettik damý, qorshaǵan ortany saqtaý.
Enactus Kazakhstan qyzmeti qazaqstandyq jastardyń básekege qabilettiligin arttyrý jáne onyń otandyq bıznesti damytýǵa belsendi qatysýy jónindegi mindetterdi iske asyrýǵa baǵyttalǵan.
Innovatsııalyq jobalardyń festıval-kórmesi – áleýmettik-ekonomıkalyq jáne ekologııalyq keısterdiń ınnovatsııalyq sheshimderin usynatyn iskerlik seriktester men jas kásipkerlerdiń tıimdi ózara is-qımylynyń biregeı platformasy.