Elordada ınklıýzıvti mıýzıkl qoıyldy

ASTANA. QazAqparat -Elordada ınklıýzıvti mıýzıkl Nazarbaev Ýnıversıtetiniń kınozalynda erekshe kútimdi qajet etetin jas akterler «Sulý qyz ben qubyjyq» spektaklin qoıdy, dep habarlaıdy Astana ákimdiginiń resmı saıty.

Kóptegen mýzykalyq nómirlerge negizdelgen spektakl Dısneı ertegisiniń 40 mınýttyq nusqasy boıynsha qoıylǵan.

Onda daýn sındromy, aqyl-oıdyń artta qalýy, tserebraldy sal aýrýlary, aýtızm spektriniń buzylýy syndy dıagnozy bar 25 jasóspirim akter óner kórsetti. Jas akterlerge eriktiler - oqýshylar, stýdentter jáne jas mamandar qol ushyn berdi. «Sahnada 50 adam óner kórsetti. Sahnadan tys balalardyń kıimin aýystyrý, boıandyrý, sýret pen beınetaspaǵa túsirý, dybys jáne jaryqpen jumys isteýge 25-ten astam erikti kómektesti.

Spektaklge 300-den astam kórermen jınaldy. Mundaı qyzyǵýshylyq tanytady dep kútken joqpyz. Mýzykalyq kesh óte jarqyn ári áserli boldy. Al spektaklden keıin akterlerden qoltańba alý úshin kórermender kezekke turdy», - deıdi uıymdastyrýshylar. «KIT» ınklıýzıvti mektebiniń ashylǵanyna bir jyldan asty. Az ýaqytta olar eki jobany - ınklıýzıvti teatr jáne kásiptik baǵdar berý baǵdarlamasyn júzege asyryp úlgerdi. Inklıýzıvti teatr Astanada qazirdiń ózinde eki mýzykalyq qoıylymyn usyndy. Keler jyly gastroldik saparlarǵa shyǵýdy josparlaýda.