Elordada halyqqa qyzmet kórsetý ortalyqtary jumys kestesin ózgertti

NUR-SULTAN. QazAqparat - Nur-Sultan qalasynyń bas sanıtarlyq dárigeri Janna Pralıevanyń sheshimimen elordalyq HQO-lardyń jumys kestesi ózgerdi, dep habarlaıdy QazAqparat tilshisi.

« Azamattarǵa arnalǵan úkimet» kásiporny Nur-Sultan qalasyndaǵy fılıaly baspasóz qyzmetiniń habarlaýynsha, b úginnen bastap elordadaǵy HQO-lar qyzmet alýshylardy jumys kúnderi 09.00-den 17.00-ge deıin qabyldaıdy. Al mamandandyrylǵan HQO senbi kúni qosymsha 09.00-den 16.00-ge deıin jumys isteıtin bolady.

Jańa jumys ýaqytyna baılanysty HQO-ǵa kezekti 16.30-ǵa deıin (avto HQO-ǵa senbi kúni 15.30-ǵa deıin) brondaý qajet.

Qyzmet alýshylar HQO-ǵa kelýin egov.kz portalyndaǵy arnaıy servıs, eGovKzBot2.0 telegram-boty jáne 1414 nómiri arqyly brondaı alady.

«Azamattarǵa arnalǵan úkimet» memlekettik korporatsııasynyń bólimderinde sanıtarlyq-epıdemıologııalyq, áleýmettik qashyqtyq jáne betperde tártibi qatań saqtalǵan. Alaıda qyzmet alýshylar ózderin jaısyz sezinip nemese syrqat belgilerin baıqasa, HQO-ǵa barýdan bas tartýǵa keńes beremiz.

Qyzmet alýshy azamattar arnaıy medıtsınalyq betperde taǵyp, áleýmettik araqashyqtyqty saqtaýy qajet.