Elordada general Panfılovtyń eskertkishine gúl shoqtary qoıyldy

<p><strong>Saltanatty rásim Máskeý túbinde nemis-fashıst basqynshylarymen bolǵan shaıqastyń 82 jyldyǵy aıasynda uıymdastyryldy, dep habarlaıdy <a href="https://kaz.inform.kz/news/shko-kutkarushilari-muz-ustnde-kaupszdk-erezhelern-katan-saktaudi-eskertt-009d83/Kazinform." target="_blank" rel="noopener">Kazinform.</a></strong></p>

«Jeruıyq» saıabaǵyndaǵy general Panfılov pen 28 gvardııalyq-panfılovshylar eskirtkishinde ótken is-sharaǵa Qazaqstan Respýblıkasy Qorǵanys mınıstrliginiń, Reseı Federatsııasynyń Qazaqstandaǵy Elshiliginiń ókilderi jáne Qazaqstan Qarýly kúshteriniń ardagerleri qatysty.

«Máskeý mańyndaǵy qarsy shabýyl soǵystyń baǵytyn túbegeıli ózgertip, jeńiske degen senimdilikti arttyrdy», - dedi otstavkadaǵy general-maıor Músilim Daıyrov.

Foto: QR Qorǵanys mınıstrligi

Aýa-raıynyń eń qolaısyz, ári qatal jaǵdaıynda áıgili qazaqstandyq Panfılov dıvızııasy fashısterdiń shabýylynyń negizgi baǵytynda mańyzdy ról atqardy. Olar dushpannyń motorly quramalaryn toqtatyp, tehnıkalaryn talqandady. Bul jóninde marshal Konstantın Rokossovskıı óz estelikterinde «qazaqstandyqtardy jaýdyń eń basty soqqysynyń baǵytyna qoıdym» dep jazady. Al dıvızııa bul tapsyrmany abyroımen oryndap shyqty. Baýyrjan Momyshuly osy shaıqastan keıin polk komandıri bolyp taǵaıyndaldy. 

Máskeý túbine kelgen jaýdy jeńýge Qazaqstanda jasaqtalǵan bólimder úlken úles qosqany belgili. 28 panfılovshylardyń, Málik Ǵabdýlınniń, Baýyrjan Momyshulynyń jáne general Ivan Panfılovtyń erlikteri eshqashan umytylmaıdy. Volokolamsk qalasynyń mańyndaǵy 28 panfılovshylar murajaıynda Máskeýge jaqyndaǵan jaýdyń betin qaıtarǵan qazaqstandyqtardyń erligi týraly kóptegen artefakti saqtalǵan. Munda qazaqstandyq Keńes Odaǵynyń batyrlary polıtrýk Málik Ǵabdýlınniń, atqyshtar polkiniń avtomatshysy Tólegen Toqtarovtyń, aty ańyzǵa aınalǵan qaharman Baýyrjan Momyshulynyń fotosýretterin kórýge bolady.