Elordada general Panfılov atyndaǵy alleıa ashylady

ASTANA. QazAqparat - Astana qalasyndaǵy Qoshqarbaev pen Jumabaev kósheleriniń qıylysyndaǵy «Jeruıyq» saıabaǵynda general Panfılov atyndaǵy alleıa ashylady. Panfılovqa arnalǵan eskertkish 2015 jyldyń 7 mamyrynda resmı túrde ashylmaq, dep habarlaıdy elorda ákimdiginiń resmı saıty.

Nysannyń avtorlyq quqyǵynyń múliktik quqyǵy Rınat Ábenovke tıesili.

General Panfılovqa arnalǵan eskertkishtiń ortasynda gúl shoqtaryn qoıýǵa arnalǵan taqta ornatylady. Eskertkishtiń uzyndyǵy - 2,5 metr. Monýment qoladan quıylǵan. Odan ózge, KSRO batyrynyń altyn juldyzy bar 28 stella jasaldy. Eskertkishtiń shyǵys bóliginde alleıanyń boıynda qaza tapqan 28 jaýyngerge arnap tabıǵı granıtten estelik taqtaıshalar qoıylady.

Astana qalasynyń Tabıǵı resýrstar jáne tabıǵat paıdalanýdy retteý basqarmasynyń habarlaýynsha, alleıaǵa qarasty aýmaqty abattandyrý úshin kógaldandyrý, shaǵyn arhıtektýralyq pishinder ornatý, 2 úlken projektor men 16 sham ornatý kózdelgen.