Elordada gaz qosatyn servıs ortalyǵy ashylady

NUR-SULTAN. QazAqparat - 9 qarashada elordada «QazTransGaz Aımaq» AQ-nyń jańa servıs ortalyǵy ashylady, dep habarlaıdy QazAqparat ákimdikke silteme jasap.

«QazTransGaz Aımaq» AQ servıs ortalyǵy gazben jabdyqtaý úshin tehnıkalyq sharttar jasaıdy, sondaı-aq gaz qosýǵa ótinim qabyldaıdy. Atalǵan ortalyqqa Kóktal-1, 2; Jeleznodorojnyı, Óndiris, Agroqalashyq eldi mekenderiniń turǵyndary júgine alady.

Ortalyq Respýblıka dańǵylynda 24-úıde «Parasat» bıznes ortalyǵynda ornalasqan.

Servıs ortalyǵy 9:00-den 18:30-ǵa deıin júmys isteıdi, saǵat 13:00-den 14:30-ǵa deıin túski úzilis.

Eske sala keteıik, elordada turǵyn úı alaptarynda gazben jabdyqtaý jelisi salynyp jatyr. Gaz berý protsesi úsh kezeńge bólingen, turǵyn úı alaptary kezeń-kezeńimen gazǵa qosylady. Gazben jabdyqtaý ekologııany jaqsartady, turǵyndar densaýlyǵyna oń áser etedi. Jeke sektor turǵyndarynyń ómir súrý jaǵdaıy aıtarlyqtaı jeńildeıdi.

Aıta ketsek, bir tekshe metr gazdyń baǵasy 45 teńgeden 34,6 teńgege deıin tómendedi.