Elordada gaz ballonynyń jarylýy: zardap shekkenderdiń jaǵdaı qalaı

<p>ASTANA. KAZINFORM &ndash; Astanada turǵyn úıge japsarlas salynǵan kafede gaz ballony jarylyp, birneshe adam jaraqat aldy. Qalalyq densaýlyq saqtaý basqarmasynan patsıentterdiń qazirgi jaǵdaıy týraly suraǵan edik.&nbsp;</p>

«Búgin (28 qyrkúıek) gaz ballonynyń jarylýy saldarynan Aqyrtas kóshesindegi dámhananyń 6 qyzmetkeri (barlyǵy er adam) zardap shekti. Olar jedel medıtsınalyq járdem brıgadasymen №1 kópbeıindi qalalyq aýrýhanaǵa jetkizilip, beıindi mamandar qarady. Zardap shekkenderdiń tórteýiniń ártúrli dárejede beti men denesin kúıik shalyp, shok alǵan, qalǵan ekeýi tútinnen ýlanǵan», - dep habarlady Qoǵamdyq densaýlyq saqtaý basqarmasynan.

Aqparatta aıtylǵandaı, tórt patsıent 1 KQA-nyń polıtravma, endoprotezdeý jáne kombýstıologııa ortalyǵyna jatqyzylǵan. 

«Zardap shekken eki adam 3 jáne 5% termııalyq kúıikpen kelip tústi. Tıisti usynystar berilip, ambýlatorııalyq em qabyldaýǵa jiberildi», - deıdi basqarmanyń baspasóz qyzmetinen.

Buǵan deıin habarlaǵanymyzdaı, elordada turǵyn úıge japsarlas salynǵan kafede gaz ballony jaryldy.

Tótenshe jaǵdaılar mınıstrliginiń málimetinshe, qıraǵan aýmaq shamamen 60 sharshy metrdi quraıdy, órt 15 sharshy metrdi sharpyǵan. Tilsiz jaý sóndirildi.