Elordada gaz baǵasy arzandady
QR Ulttyq ekonomıka mınıstrligi Tabıǵı monopolııalardy retteý komıteti «QazTransGaz Aımaq» AQ-nyń elorda fılıaly úshin taýarlyq gazǵa baǵany: qosylǵan qun salyǵynsyz 1 tekshe metr úshin 30,9 mólsherinde (QQS-pen 1 tekshe metr úshin 34,6) bekitti. Jańa tarıf 2020 jyldyń 1 qarashasynan bastap qoldanysqa engiziledi jáne bir jyl boıy osy deńgeıde saqtalady.
«Nur-Sultan qalasynyń tutynýshylary úshin taýarlyq gazdy ótkizýdiń túpkilikti baǵasyn esepteý kezinde, Energetıka mınıstriniń 2020 jylǵy 18 mamyrdaǵy №196 buıryǵymen bekitilgen taýarlyq gazdy kóterme saýdada ótkizýdiń qoldanystaǵy shekti baǵalary eskerildi.
Tarıf budan buryn birqatar BAQ-ta habarlanǵan boljamdy tarıften tómenirek qalyptasqanyn atap ótemiz», - dedi QR UEM Tabıǵı monopolııalardy retteý komıtetinen.