Elordada ǵarysh ortalyǵynyń planetarııi boı kóteredi
17:06, 18 Maýsym 2019
NUR-SULTAN. QazAqparat - Elordada «Qazaqstan Ǵarysh Sapary» UK» AQ-nyń planetarııi boı kóteredi, dep habarlaıdy QazAqparat qala saıtyna silteme jasap.
Nur-Sultan qalasynyń týrıstik kartasyna enetin jańa nysan bir mezette 300-ge jýyq kórermendi syıdyra alady.
Elordanyń Sáýlet, qala qurylysy jáne jer qatynastary basqarmasynyń málimetine sáıkes, planetarııde ǵarysh murajaıy, úlken ákimshilik-sharýashylyq blok, úlken keńse ortalyǵy ornalasatyny josparlanǵan. Ol Qosshy kenti men Nursultan Nazarbaev Halyqaralyq áýejaıy mańyndaǵy aınalma jol tusynda salynady.
«Qazirgi ýaqytta ǵarysh murajaıy men ǵarysh korablderiniń maketterin qamtıtyn jobanyń birinshi kezegi salyndy», - delingen málimette.