Elordada «Eýropalyq» turǵyn úı kesheniniń turǵyndary evakýatsııalanýda

NUR-SULTAN. QazAqparat – Elordada «Eýropalyq» turǵyn úı kesheniniń turǵyndary evakýatsııalanýda, dep habarlaıdy QazAqparat tilshisi.

«19 qarasha kúni saǵat 15.29-da Nur-Sultan qalalyq Tótenshe jaǵdaılar departametiniń órt sóndirý bólimshesi Botaly kóshesi, 26 mekenjaıdaǵy órt týraly habarlama alyp, oqıǵa ornyna attandy. Ótr sóndirýshiler oqıǵa ornyna 6 mınýttyń ishinde jetip, 18 qabatty «Eýropalyq» turǵyn úı kesheniniń №1 kireberisindegi 10 men 14 qabat aralyǵynda elektr kabelderi tartylǵan shahtanyń janyp jatqanyn anyqtady», - dedi elordanyń Tótenshe jaǵdaılar departamentinen.

Vedomstvo málimetinshe, qazirgi ýaqytta atalǵan turǵyn úı turǵyndaryn qaýipsiz jerge shyǵarý is-sharalary júrgizilip jatyr. Órttiń aldyn alýǵa Nur-Sultan qalalyq tótenshe jaǵdaılar departamenti jeke quramynyń 22 mamany men 6 tehnıkasy jumyldyrylǵan.