Elordada esirtki zerthanasyn ashqan úsh qazaqstandyq pen bir sheteldik ustaldy
30-31 shildede QR UQK Nur-Sultan qalasy boıynsha departamenti Ekonomıkalyq tergeý departamentimen jáne QR ІІM Ulttyq ulanynyń «Búrkit» arnaıy maqsattaǵy bólimshesimen birlesip júrgizgen arnaıy operatsııa nátıjesinde Qazaqstan Respýblıkasynyń úsh azamaty men bir sheteldikti ustady.
«Kúdiktilerdiń Aqmola oblysynyń aýmaǵynda keıinnen Nur-Sultan qalasynda taratylǵan psıhotroptyq zattardy óndiretin jasyryn zerthana uıymdastyrýǵa jáne onyń jumys isteýine qatysy bar. Esirtkini satý osy maqsatta qurylǵan Internet jelisiniń «Deep Web, Darknet» kóleńkeli segmentiniń platformasynda «qoıylma» dep atalatyn jolmen júzege asyrylǵan».
Tintý barysynda esirtki men psıhotroptyq zattar, sondaı-aq olardy jasaý kezinde qoldanylatyn hımııalyq reagentter men jabdyq tabyldy.
Ustalǵan adamdar QR UQK tergeý ızolıatoryna qamaldy. Qazir sotqa deıingi tergep-tekserý júrgizilip jatyr.