Elordada erekshe memorıaldyq keshen salý máselesi pysyqtalýda
«Saıası qýǵyn-súrgin qurbandaryn, onyń ishinde Qazaqstannyń bostandyǵy, táýelsizdigi jáne aýmaqtyq tutastyǵy úshin kúreste erlik kórsetkenderdi máńgi este qaldyrý maqsatynda qazirgi ýaqytta múddeli memlekettik organdar elordada memorıaldyq keshen salý máselesin pysyqtaýda. Atalǵan másele jan-jaqty zerdelengennen keıin Qazaqstan Respýblıkasy Prezıdentiniń 2020 jylǵy 24 qarashadaǵy № 456 Jarlyǵymen bekitilgen Saıası qýǵyn-súrgin qurbandaryn tolyq aqtaý jóninde memlekettik komıssııanyń jumysy barysynda qaralatyn bolady», - delingen Premer-Mınıstr jaýabynda.
Onda atap ótilgenindeı, memlekettik deńgeıde saıası qýǵyn-súrgin jáne asharshylyq qurbandaryn eske alý kúni 2020 jyldyń 31 mamyrynan bastap «Taǵzym» aktsııasy ótkizilip keledi. Elimizde bir ýaqytta bir mınýttyq únsizdik uıymdastyrylady.
«BAQ-ta keńinen jarııalaýmen túrli is-sharalar ótkizilýde. Onyń ishinde dinı qyzmetkerler men konfessııalar ókilderi uıymdastyrǵan aza tutý, memorıaldarǵa gúl shoqtaryn qoıý, telearnalarda HH ǵasyrdyń 20-30 jyldarynyń tarıhy, qýǵyn-súrginge ushyraǵan jáne deportatsııalanǵan halyqtardyń taǵdyry týraly derekti fılmder mpren arnaıy baǵdarlamalar kórsetilýde. Sonymen birge osy taqyryp tarıhshylarmen, saıasattanýshylarmen jáne basqa da múddeli mamandarmen jańalyqtar sıýjetterinde, suhbattarda keńinen jarııalanýda. Atalǵan aýqymdy is-shara jyl saıyn ótkiziletin bolady», - dedi Asqar Mamın.