Elordada erekshe qajettilikteri bar jandar men qarttar úshin Ashyq esik kúni ótedi

NUR-SULTAN. QazAqparat -Elordalyq medıtsınalyq-sanıtarııalyq alǵashqy kómek kórsetetin uıymdarda 2 qazanda erekshe qajettilikteri bar adamdar men qarttar úshin Ashyq esik kúni ótedi, dep habarlaıdy QazAqparat qala ákimdiginiń resmı saıtyna silteme jasap.

Іs-shara Halyqaralyq qarttar kúni aıasynda aldaǵy senbi kúni saǵat 8:00-den 16:00-ge deıin ótedi.

Ashyq esik kúni aıasynda osy sanatqa kiretin qala turǵyndary Check-up paket dep atalatyn keshendi medıtsınalyq tekserýden óte alady, dep málim etti qalalyq qoǵamdyq densaýlyq saqtaý basqarmasy.

«Qarttar men erekshe qajettilikteri bar adamdar medıtsınalyq qyzmetterge qol jetkize alady, olarǵa TMKKK jáne MÁMS sheńberinde barlyq kómek kórsetiledi. Halyqaralyq qarttar kúnine oraılastyra otyryp, biz olardyń tolyqqandy tekserýden ótip, óz aýrýlary mamandarmen keńesýi úshin arnaıy bir kún bóldik. Úlkenderdi syılaý, olarǵa qurmetpen qaraý – bizdiń paryzymyz», – dep atap ótti vedomstvoda.

Olar aýmaqtyq tirkeý boıynsha medıtsınalyq uıymǵa júgine alady. Medıtsınalyq mekemelerdiń keıbirinde sanıtarlyq normalardy saqtaı otyryp merekelik baǵdarlamamen shaǵyn quttyqtaýlar bolady.