Elordada epıdemıologııalyq jaǵdaı turaqty ma – bas sanıtar jaýap berdi

<p>ASTANA. KAZINFORM &ndash; Elordada 11 dert boıynsha syrqattaný tómendegen, al 7 syrqat túri boıynsha dertke shaldyǵýdyń ósýi baıqalady. Bul týraly Astana qalasynyń bas memlekettik sanıtarııalyq dárigeri Sarhat Beısenova málim etti.&nbsp;</p>

«Bıyl 6 aıdyń ishinde ınfektsııalyq, parazıttik, karantındik jáne asa qaýipti ınfektsııalar boıynsha epıdemıologııalyq jaǵdaı turaqty. Aldyn alý sharalarynyń arqasynda elorda aýmaǵynda asa qaýipti jáne karantındik aýrýlar tirkelgen joq. 11 nozologııa boıynsha syrqattanýshylyqtyń tómendeýi baıqalady. Atap aıtqanda, KVI 12 ese, enterovırýstyq ınfektsııa 9,3 ese, serozdy menıngıt 3 ese, JRVI 2 ese, V vırýstyq gepatıtiniń jiti túri 43%-ǵa tómendedi. Sondaı-aq skarlatına, V jáne S vırýstyq gepatıtiniń sozylmaly túrleri, salmonellez, tumaý, dızenterııa sekildi dertterdiń azaıýy baıqalady», - dedi Sarhat Beısenova Astana qalasynyń kommýnıkatsııalar qyzmeti alańynda ótken baspasóz máslıhatynda. 

Elordanyń bas sanıtar dárigeriniń aıtýynsha, S gepatıti, opıstorhoz, irindi menıngıt jáne menıngokokk ınfektsııasy boıynsha da jaǵdaı qalypty. 

«Alaıda, júrgizilip jatqan jumystarǵa qaramastan, 7 nozologııa boıynsha syrqattanýshylyqtyń ósýi baıqalyp otyr. Mysaly, kókjótel 81 ese, qyzylsha 12 ese, parotıt 3 ese, vırýstyq A gepatıti 1,5 ese, rotavırýstyq ınfektsııa 17%, jedel ishek ınfektsııasy 13,9% jáne týberkýlez 11% ósti», - deıdi ol.

Buǵan deıin shetelge shyǵatyn astanalyqtarǵa vaktsına alý usynylǵanyn jazǵan edik.