Elordada eń romantıkalyq baq paıda boldy
14:10, 21 Sáýir 2024
<p>ASTANA. KAZINFORM – Elordada jas jubaılar alańy paıda boldy. Onyń ashylý saltanatynda birneshe jas jubaı resmı túrde neke qıdyryp, eskertkish retinde aǵashtar otyrǵyzdy. Uıymdastyrýshylar atap ótkendeı, Astananyń barlyq erli-zaıyptylarynyń osyndaı múmkindigi bar.</p>
«Bul alań erli-zaıyptylar balalaryn osynda ákelip, bir kezderi óz qoldarymen otyrǵyzǵan aǵashtaryn kórsetýi úshin urpaqtar sabaqtastyǵynyń sımvolyna aınalýy kerek. Bul aktsııanyń taǵy bir tusy, meniń oıymsha, munda aǵash otyrǵyzǵan adamdar bul qalaǵa eshqashan zııan tıgizbeıdi. Sondaı-aq olar óz otbasylarynda qarym-qatynas ornatady», - dedi Nura aýdany ákiminiń orynbasary Álııa Ábsemetova.
Sharaǵa 50 jyldyq mereıtoıyn toılaǵan jubaılar Marat Toqsanbaev pen Kúlásh Asqarova da shaqyryldy. Olar aktsııaǵa qatysýshylardy quttyqtap, aq batasyn berdi.
Jas jubaılar baqytty kúndi eske alyp, shańyraqqa qulyptar men lentalar ilý úshin saıabaqqa kıiz úı de ornatyldy.
Alańnyń ashylý saltanatynda barlyǵy 5 jup shańyraq kóterdi.