Elordada eń mańyzdy sheshimder qabyldanyp jatyr – Prezıdent

ASTANA. QazAqparat – Memleket basshysy Qasym-Jomart Toqaev Astana qalasynyń tarıhı mańyzy týraly aıtty, dep habarlaıdy QazAqparat tilshisi.

«Astana – dinniń basyn qosqan, dinbasylardyń dástúrin toǵystyrǵan shahar. Budan bólek, elorda tórinde talaı márte dúbirli dodalar men halyqaralyq saıystar ótti. Bir sózben aıtqanda, Astanany birlik pen berekeniń besigi deýge tolyq negiz bar.

«Qazir Astanada Almaty, Aqmeshit, Orynbor, Túrkistan, Saýran, Syǵanaq, Saraıshyq kósheleri bar. Bul – eldik pen memlekettilik tarıhynyń naqty kórinisi. Astana – elimizdiń júregi. Bul qalada eń mańyzdy sheshimder qabyldanyp jatyr. Keleshekte de laıym solaı bolmaq», - dedi Qasym-Jomart Toqaev elordada ótip jatqan Astananyń baýyrlas qalalar forýmynda.

Buǵan deıin Memleket basshysy Astana jańarý men jańǵyrýǵa jol ashyp, búginde jan-jaqty ári qarqyndy damyp jatqanyn aıtqan edi.