Elordada emhana, balabaqsha, polıtsııa beketi bar turǵyn úı kesheni paıdalanýǵa beriledi

NUR-SULTAN. QazAqparat – Elordada jyl sońyna deıin «Turǵyn úı qurylys jınaq bankiniń» 600-den astam salymshysy páter alady, dep habarlaıdy QazAqparat qala ákimdiginiń baspasóz qyzmetine silteme jasap.

Jumys kúni bastalǵanǵa deıin elordada ákimi Altaı Kólginov qalada «Turǵyn úı qurylys jınaq bankiniń» salymshylaryna arnalyp salynyp jatqan turǵyn úı keshenine bardy. Salymshylardyń bir bóligi osy turǵyn úıdiń kezeginde tur. Atalmysh turǵyn úı kesheni birneshe bloktan turady, onda 653 páter.

Aıta keterligi, Memleket basshysy elordany odan ári damytý jónindegi keńeste turǵyn úı qurylysynyń qarqyny men kólemin arttyrý qajettigin aıtqan bolatyn. Prezıdent mekemelerdiń barlyq jaǵynan yńǵaıly bolýyn tapsyrǵan edi.

Prezıdent tapsyrmasy boıynsha turǵyn úı kesheniniń birinshi qabatynda emhana, shaǵyn ortalyq (balabaqsha) jáne polıtsııa pýnkti sııaqty áleýmettik nysandar ashylady.

Turǵyn úı kesheni jobalyq ataýy №27 jáne №36 kóshe qıylysynda ornalasqan (Á. Bókeıhanov kóshesiniń mańy) nysan. Keshen ınjenerlik jelilerge qosylǵan.

Ony jyldyń sońyna deıin paıdalanýǵa beriledi. Qala ákimi A. Kólginov qurylys jumystaryn ýaqytynda aıaqtap, úı aýlasyn abattandyrýǵa daıyn bolý qajettigin atap ótti.