Elordada Elbasy maqalasynyń tarıhı qundylyǵy talqylandy
Elbasynyń baǵdarlamalyq maqalasy qoǵamnyń, ǵylymı orta men shyǵarmashylyq zııaly qaýymnyń keń aýqymdy talqylaýyna ıe boldy. Jalpy adamzattyq jáne ulttyq tarıhqa jańa tujyrymdamalyq kózqaras Qazaqstan tarıhy men tarıhı eskertkishterin saqtaýmen dáripteýge baǵyttalǵan joldy jalǵastyrady.
«Biz stereotıpter men úreılerden aryla otyryp, óz tarıhymyzben maqtana bilýdi úırenýimiz qajet. Tek osy arqyly biz tarıhı biregeılik daǵdarysynan qutylamyz jáne ózimizdiń Uly dala ıesiniń urpaqtary ekenimizdi túsinemiz. Sondaı-aq, tanymal uly tulǵalardyń esimderin jańǵyrtýymyz kerek, mysaly Konfýtsıı degende báriniń oıyna ejelgi Qytaı keledi, Arıstotel dese ejelgi Gretsııa, sol sekildi bizdiń uly tulǵalarymyzdyń esimin aıtqanda tıisinshe Uly dalamen baılanysýy tıis», - dedi QR Prezıdenti janyndaǵy Qazaqstan strategııalyq zertteýler ınstıtýty dırektorynyń orynbasary Sanat Kóshkimbaev.
Sondaı-aq, onyń aıtýynsha Elbasy usynǵan «Arhıv-2025» baǵdarlamasy kezindegi «Mádenı mura» (2004 j) jobasynyń jalǵasy jáne ol tarıhymyzdyń jańa betterin ashýǵa keń múmkindik beredi.
Sonymen qatar, dóńgelek ústel barysynda tarıhı sananyń jańǵyrýy, Uly dalanyń ótkenin jańa kózqaraspen qarastyrýǵa qajetti negizgi ımperatıvter, álemdik úderisterdegi Qazaqstannyń róli, sondaı-aq maqalada kórsetilgen tapsyrmalardy oryndaýǵa baǵyttalǵan jobalar men baǵdarlamalar talqylandy.
Jıyn jumysyna memleket tarıhy ınstıtýtynyń ǵylymı qyzmetkerleri, ál-Farabı atyndaǵy QazaqUMÝ-i men L.Gýmılev atyndaǵy EUÝ-niń professorlary men tarıhshy mamandary qatysty.
Eske salsaq, Elbasynyń 21 qarasha «Uly dalanyń jeti qyry» atty maqalasy jarııalanǵan bolatyn.